Забава Избор

Мини турнеја на Владимир Четкар во САД

Охрид, 11. јануари 2022 (ОХРИДПРЕС) – Охридскиот гитарист и џез мучичар Владимир Четкар и оваа година ќе ја почне со турнеја концерти низ САД.

Според предвидената програма, Четкар настапите низ САД со неговиот бенд ќе ги почнат со концертот во „Aretha’s Jazz Cafe“ во Детроит, на 28-ми овој месец. Два дена подоцна ќе одржат концерт во „Skadarliya“ во Чикаго, на 5-ти февруари концерт во „BOP STOP“ клубот во Кливленд, а на 12-ти февруари концерт е закажан во њујоршкиот „Chelsea Table + Stage“ клуб. Мини турнејата низ САД ќе биде заокружена на 18-ти февруари, со концертот во „Norton Museum of Modern Art“ во Палм Бич на Флорида.

Пред амариканската турнеја, Четкар на 21-ви овој месец ќе одржи и концерт во „Епинал“ во Битола.

Владимир Четкар е дипломец на престижниот музички Универзитет „Беркли“ во САД, каде има завршено студии по модерна продукција, аранжман и џез-гитара. Како уметник настапува соло, но соработува и со многу музичари. Јадорот на неговиот бенд се Мото Фокушима на бас од Јапонија, Ник Фалк на тапани и Милан Милановиќ. Неговите песни се емитувани на програмата на најпознатите светски радија што емитуваат таков вид музика. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука