Скопје/Охрид, 28. јануари 2022 (ОХРИДПРЕС) – Амбасадата на Јапонија во Скопје и Амбасадата на Јапонија во Тирана, заедно со „Џајка Алумни – Мак-Јамс“ организираат предавање за регионална заштита на Охридското Езеро и промоција на туризам преку соодветно раководење на светското наследство.

– Професорот Јамасаки Масафуми и Ичики Шигеказу ќе го споделат своето знаење за јапонските искуства на овие теми со учесниците на предавањето за Охридското Езеро. Воведен збор ќе имаат Амбасадорот Савада од амбасадата во Скопје и Амбасадорот Такада од амбасадата во Тирана. Настанот ќе го модерира проф. Ташко Ризов од Машински Факултет-Скопје и претседател на Мак-јамс, информираат организаторите.

Јапонија континуирано го поддржува развојот на капацитетите на македонските институции за третман на водите и животната средина преку програмите на ЏАЈКА (JICA). Во 2017 година Музејот на езерото Бива од Јапонија и Хидробиолошкиот институт од Охрид започнаа меѓусебна официјална соработка за двете езера.

Предавањето ќе се одржи на втори февруари во 09:45 часот. (Крај)

извор: ОхридПрес фото: архива