Св. апостол Симеон, епископ Ерусалимски
Скопје/Охрид, 10. мај 2022 (ОХРИДПРЕС) – Според календарот на МПЦ-ОА (Јулијанскиот календар) денеска е 27-ми април, денот кој православните верници го слават во чест на Св. апостол Симеон, епископ Ерусалимски.
Во 70 година, кога Римјаните го нападнаа Ерусалим, епископот се повлече заедно со целата тамошна црква во градот Пела, од другата страна на Јордан. А кога Римјаните ја освоија цела Јудеја почнаа да ги гонат Давидовите потомци, за да спречат некој од нив да подигне бунт против освојувачите. Така и овој престарен човек кој тогаш имаше 120 години го доведоа под стража во Ерусалим, барајќи од него да се откаже од Христос.
Старецот ги презре сите закани, ветувања и мачења и најпосле беше распнат на крст во 107 година. (Крај)
извор: МПЦ-ОА фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |