Над 500 учесници на третиот „Магаро планински фестивал“ (Фото)
Охрид, 21. јуни 2022 (ОХРИДПРЕС) – Успешно реализиран третиот „Магаро планински фестивал“.
Над 500 учесници, меѓу нив екологисти, кампери и љубители на природата, беа дел од планинарската тура до врвот Магаро (2.255 м.н.в.). Како што и беше најавено, се направи уникатен спој на искачување, логорување, плажа и велосипедизам.
– Овој планински фестивал од година во година е сé поброен и се комбинираат различни активности. Имаше учесници од цела Македонија и од соседството. Охрид е единствена дестинација каде во еден ден може да се направи спој на планина, плажа и велосипедизам и тоа уште еднаш го потврдивме. Благодарност за поддршката до општина Охрид и НП Галичица, вели Жанко Зш Голабоски, член на клубот.
– Благодарност до сите учесници, имаше голема дисциплина и одлично дружење. За следната година планираме уште повеќе активности и многу изненадувања за оние што ќе учествуваат на вакво незаборавно доживување, рече Мишко Танески, претседател на „Mountain Madness“.
Организаторите, авантуристичкиот клуб „Mountain Madness“, се задоволни дека сé помина во најдовар ред, а за тоа потврда добиле и од учесниците. (Крај)
извор: ОхридПрес фото: Жанко Голабоски
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |