Едукативно предавање за превенција од зависности во ОУ „Кочо Рацин“

Охрид, 6. декември 2022 (ОХРИДПРЕС) – Полициски службеници од Отсекот за превенција при СВР Охрид, денеска во Основното училиште „Кочо Рацин“ во Охрид одржаа едукативно предавање со учениците од деветто одделение, на тема – превенција од зависности.

– Целта на превентивната активност беше сузбивање на асоцијалното однесување кај младите, нивно информирање за штетните последици од употребата на дрога и негативното влијание кое опијатите и психотропните супстанци го имаат врз младите. На едукативното предавање стана збор и за важноста на превенцијата, во поглед на правовремено детектирање на проблемите, со цел заштита на децата од овие девијантни појави, информираат од МВР. (Крај)

извор: МВР фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука