Центар за јавно здравје: Мај е месец на матури и подготовка на поголеми количини храна, да се почитуваат препораките

Охрид, 18. мај 2023 (ОХРИДПРЕС) – Од Центарот за јавно здравје Охрид апелираат на внимателност во текот на месец мај, кога е период за прослава на матурите и кога се подготвуваат и конзумираат поголеми количества прехрамбени производи особено во домовите, но и во угостителските објекти.

– Топлото време и несоодветното складирање, приготвување и послужување на прехрамбените производи го зголемува ризикот од расипување на храната што може да биде причина за појава на здравствени тегоби (труење со храна) на оние кои ја конзумираат таа храна, потенцираат од Центарот за јавно здравје од Охрид од каде апелираат до домаќинките, но и угостителите при приготвување, чување и послужување на храната да ги земат во предвид следните препораки:

– Намирниците да се набавуваат од сигурни и проверени добавувачи
– Намирниците и приготвената храна да се чуваат и складираат во покриена амбалажа, на соодветна температурта, во разладни уреди, согласно декларацијата на производот
– При приготвување на храната да се користи посебен прибор за сирова храна и посебен за термички обработена храна. Доколку се користи истиот прибор тој претходно треба да биде добро исчистен (дезинфициран)
– На трпезата да се изнесуваат-послужуваат помали количини на лесно расипливи производи (салати, месни преработки, млечни производи и сл.) и истите да не бидат изложени на собна температура повеќе од 60 минути (по потреба да се дополнуваат со нови количини). (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука