Иран и Кина со нов договор за нуклеарна зделка

Техеран/Пекинг, 11. септември 2015 (ОХРИДПРЕС) – Иранскиот министер за надворешни работи Мохамад Џавад Зариф ќе го посети Пекинг следната недела за да разговара со кинеските партнери за договорот за нуклеарната зделка на исламската земја.

Ќе се говори и за продлабочувањето на билатералните односи, пренесува Reuters повикувајќи се на информации од кинеското МНР.

Зариф ќе пристигне во главниот град Пекинг на 15 септември, на покана на својот кинески колега Ван И.

Иран и Кина имаат блиски дипломатски, економски, комерцијални и енергетски односи, а кинескиот министер за надворешни работи Ван И активно ги повикуваше Соединетите Американски Држави и Иран да склучат договор за нуклеарната програма на земјата. (Крај)

извор: Reuters фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука