Пет боксери од охридскиот клуб „Алексо Огненовски“ ќе учествуваат на Опен Балкан куп во Србија

Охрид, 24. септември 2024 (ОХРИДПРЕС) – Пет боксери од клубот „Алексо Огненовски“ од Охрид ќе учествуваат на Опен Балкан куп што на 12-ти октомври ќе се одржи во Лозница, Србија.

Боите на градот и клубот „Алексо Огненовски“ ќе ги бранат Наум Стојаноски, Христијан Стојаноски, Михаил Аврамоски, Петар Трајчески и Лука Грозданоски.

Покрај ова, боксерот Наум Стојаноски ќе настапи и на Светското младинско првенство што од 20-ти октомври до 4-ти ноември ќе се одржи во Будва. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука