Избор Охрид

Волонтер од Мировен корпус во Охрид ќе одржува часови за полагање TOEFL англиски тест

Охрид, 27. јануари 2016 (ОХРИДПРЕС) – Во рамките на своите едукативни програми Црвен крст Охрид воведува уште една новина, подготовка за полагање на TOEFL (Test of English as a Foreign Language).

Часовите ќе започнат да се спроведуваат во месец февруари под водство на Александар Џоунс, волонтер на Мировен корпус Македонија кој работи во организацијата на Црвениот крст Охрид.

TOEFL (Test of English as a Foreign Language) е најраспространет и светски прифатен тест за проверка на знаењата за англискиот јазик. 9000 унвирезитети, колеџи, агенции го признаваат тестот и тоа во 130 земји ширум светот вклучувајќи ја и Македонија. TOEFL е тест кој исто така се користи за докажување на познавањето на англискиот јазик за државната администрација во Македонија. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука