Спорт

Алексеј Швед, МВП во Еврокупот за сезоната 2016/2017

Миес, 28. март 2017 (ОХРИДПРЕС) – Рускиот репрезентативец и кошаркар на Химки, Алексеј Швед е прогласен за МВП во Еврокупот за сезоната 2016/2017 со просек од 22,1 поени, 4 скокови и 5 асистенции по натпревар.

Во пресрет на финалната серија помеѓу шпанските тимови Уникаха и Валенсија во второто според квалитет натпреварување во кошаркска Европа, Еврокупот, кошаркарите и експертите ги избраа најдобрите.

Покрај Швед во идеалната петорка се најдоа и Куртис Џерелс (Хапоел Ерусалим), Марди Колинс (Локомотив Кубан), Дејан Мусли (Уникаха) и Бојан Дубљевиќ (Валенсија).

Првиот натпревар од финалната серија, во Еврокупот, ќе се одигра денеска во Валенсија, каде ќе гостува Уникаха. (Крај)

извор: Спорт ТА фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука