Избор Спорт

Оff Road авантура викендов во Охрид

Охрид, 29. јуни 2017 (ОХРИДПРЕС) – Претстојниов викенд, на 1-ви и 2-ри јули во Охрид и регионот ќе се одржи втората Оff Road средба.

Програмата предвидува дводневно патување од истражувачко-спортски и туристички карактер. Oрганизатор е здружението „Оff Road Ohrid“, а како помагател, во насока на развој на руралниот туризам е вклучена и месната заедница од селото Куратица. Учество ќе земат 350 учесници, 200 теренски Off road возила, 40 крос мотори и 20 квадови од Република Македонија, Словачка, Полска како и од соседните земји.

Целта на овој настан е претставување и промовирање на природните убавини и традиционалните производи на охридскиот регион.

Турнејата ќе се вози на следната траса: Oхрид – село Лакочереј – село Сирула – село Лешани – манастир „Св. Илија“ – Плаќенска планина – Мазатар – село Куратица – село Расино – село Вапила – село Лакочереј – село Лескоец – Охрид, а кампувањето ќе биде во кампот „АС“ во Струга.

Off_road_3_640x360Стартот ќе биде во сабота од 09:00 часот од градското пристаниште. Во недела пак, во атарот на селото Лакочереј, ќе се одржи трка со теренски возила. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави