Спорт

Нема крај на сагата на Донарума

Милано, 20. август 2017 (ОХРИДПРЕС) – Џанлуиџи Донарума ова лето е еден од најбараните фудбалери на европскиот пазар.Сепак, младиот 18-годишниот голман одлучи да потпише нов договор со Милан иако имаше понуди од многубројни европски великани.

Донарума најмногу се поврзуваше со заминување во Манчестер Јунајтед. На крајот од тоа немаше ништо, но раководството на Јунајтед одлучи да тргне во нов лов на младиот чувар на мрежата.

Извесно е дека „Црвените ѓаволи“ на крајот на сезоната би можеле да останат без Давид Де Геа. Тој силно сака да го облече дресот на Реал, што веројатно и ќе му се оствари за неколку месеци, па првиот избор за негова замена на „Олд Трафорд“ е токму Донарума.

Познато е дека Манчестер има одличен однос со менаџерот Мино Раиола. Голем број на негови играчи го носат дресот на екипата од „Театарот на соништата“, а од следното лето „единицата“ во Јунајтед би можел да ја заземе Италијанецот.

Очигледно е дека во следните месеци повторно ќе се информира за сагата околу Донарума, но сепак, последниот збор ќе го има екипата на Милан. (Крај)

извор: Спортски.мк фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука