Охрид, 7. октомври 2017 (ОХРИДПРЕС) – Елена Лангоска се покажа како најдобра на годинашниот општински натпревар „Млади библиотекари“, што се одржа во охридската библиотека.

Лангоска е ученичка во осмо одделение во ОУ „Ванчо Николески“ од селото Лескоец, а се подготвуваше под менторство на библиотекарот Ана Пупиноска Стојкоска.

На натпреварот учествуваа 18 ученици од 6 основни училишта од Охрид и околината.

Победничката Лангоска со ова се стекна со право да учествува на Републичкиот натпревар кој треба да се одржи на 3-ти ноември. (Крај)

извор: ОхридПрес фото: архива