Економија Избор

Дебрца и Вевчани меѓу општините каде ќе се продава државно градежно земјиште по намалени цени

Дебрца/Вевчани, 22. декември 2017 (ОХРИДПРЕС) – Дебрца и Вевчани се меѓу 58-те општини во кои Владата ќе продава градежно земјиште по цена од 70 денари за метар квадратен.

Со Уредба на Владата, до 23 пати се намалува цената за отуѓување на државно земјиште со непосредна спогодба, ако истото се намени за изградба на ученички и студентски домови, домови за престој на стари лица и самци, домови за деца без родители и домови за незгрижени лица.

Министерот за транспорт и врски, Горан Сугаревски изјави дека со оваа мерка ќе се стимулира приватниот сектор, ќе се привлечат нови инвеститори во овие делови на Република Македонија, а тоа би придонело за локален економски раст и порамномерен развој во државата. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука