Економија Избор Македонија

Народна банка пушти во оптек ковани пари од 100 денари за колекционерски цели

Скопје, 9. февруари 2018 (ОХРИДПРЕС) – Народната банка на Република Македонија извести дека се издадени и се пуштени во оптек кованите пари за колекционерски цели „Риби“ и „Овен“ од серијата „Хороскопски знаци“.

Овие ковани пари се изработени од сребро Ag925, со тежина на среброто од 23,30 г, чистота на среброто од 19,43 г, во квадратна форма со димензии 37 х 37 мм, полирани со позлата и вметнато кобалтно стакленце со димензии 18,4 х 6,1 мм. Цената на кованaтa парa „Риби“ и на кованата пара „Овен“ изнесува 2.800 денари.

Кованите пари за колекционерски цели издадени од Народната банка се законско средство за плаќање во Република Македонија.

Дополнителни информации за кованите пари за колекционерски цели се објавени на интернет-страницата на Народната банка. (Крај)

извор: Макфакс фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави