Бројот на патници на аеродромите за два месеци поголем за 20%
Охрид, 9. март 2018 (ОХРИДПРЕС) – Во првите два месеци годинава низ двата македонски аеродроми поминале вкупно 286.129 патници. Тоа е раст од 20% споредено со првите два месеци од 2017 година кога на Меѓународниот аеродром „Скопје“ и на аеродромот „Свети Апостол Павле“ во Охрид поминале вкупно 238.180 патници, покажува статистиката на ТАВ.
Само во февруари, бројот на патници на аеродродромте бележи раст од 22% или за еден месец вкупно се регистрирани 134.749 патници.
Во исто време голем раст е регистриран и кај прелетите. Така во јануари и февруари вкупно на двата македонски аеродроми се регистрирани вкупно 2.588 прелети што е зголемување за 18% споредено со првите два месеци лани.
Само во февруари се регистрирани 1.195 прелети и споредено со февруари минатата година има зголемување за 18%. (Крај)
извор: емагазин.мк фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |