Во јуни во Охрид издадено едно одобрение за градба

Охрид, 15. август 2019 (ОХРИДПРЕС) – Во месец јуни годинава во Охрид било издадено само едно одобрение за градба и тоа на правен субјект, објави Државниот завод за статистика.

Предвидената вредност на објектот е 25.754.000 денари.

Во анализираниот период, во општините Струга и Дебрца нема издадени одобренија за градба.

Со оглед на тоа што мораториумот за градежни активности во Охрид е воведен на 8-ми овој месец, оваа градба ќе може да се реализира, со оглед на тоа што отпочнатите постапки за издавање на одобрение за изградба, надградба и доградба не се опфатени со времената забрана.

Според податоците на Државниот завод за статистика, во јуни 2019 година на државно ниво се издадени 202 одобренија за градење, што е за 1.5 % помалку во однос на истиот месец од претходната година. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука