Избор Свет

Фекалии од Јадранско море регистрирани на снимки од вселената

Загреб, 10. септември 2019 (ОХРИДПРЕС) – Фекалиите во хрватскиот дел од Јадранот се видливи од вселената, пренесуваат хрватски медиуми.

Загадувањето на Јадранот има такви размери што фекалии близу Водњан, во Истра, се регистрирани дури и на снимки од вселената.

Експертите се согласуваат дека местата што се гледаат на сателитските слики на „Гугл мапс“ во областа недалеку од канализацијата кај Водњан, најверојатно, потекнуваат од фекалии. Тие се видени на подрачјето околу Перој во Истра, на околу четири километри западно од Фажан, а нешто помалку северно од Бриони.

Проблемот е алармантен, бидејќи фекалии се шират кон Националниот парк Бриони.

Според Индекс, локалните власти се жалат на стариот систем за третман на отпадни води и најавуваат изградба на нов систем. Но, професионалните нуркачи посочуваат дека градежниот проблем би можел да биде што инсталирањето на еден метар цевка на длабочина од 50 метри чини околу 1.000 евра.

Загадувањето со фекалии не е случајност, туку масовен феномен, велат еколозите и предупредуваат за сличен проблем со испуштање канализација во Паг. (Крај)

извор: Плус инфо фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави