Авион со 326 патници принудно слета поради врело кафе

Шенон, 13. септември 2019 (ОХРИДПРЕС) – Авион со 326 патници морал принудно да слета во Ирска бидејќи се истурило врело кафе на контролната табла во пилотската кабина, јавуваат светските медиуми.

Ербас А330-243 што летал од Франкфурт до Канкун во Мексико морал присилно да слета во градот Шенон, Ирска, соопшти Одделот за истражување на авионски несреќи.

Пилотот  одлучил да го приземји авионот затоа што врелото кафе предизвикало силен мирис на горење и чад, а едното копче на контролната табла започнало да се топи, објави Си-ен-ен.

Во инцидентот нема повредени.

Не е наведено за која авиокомпанијата станува збор, но прописите се изменети со цел да се обезбедат капаци на чашите на сите летови, а екипите редовно се потсетуваат на важноста на користењето капаци. (Крај)

извор: Нова Македонија фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука