Започнуваат отворените денови на Централниот регистар
Охрид, 16. септември 2019 (ОХРИДПРЕС) – Од денес започнуваат отворените денови на Централниот регистар на кои граѓаните ќе имаат можност да се информираат за прашања поврзани со услугите и работата на оваа институција.
Отворените денови ќе траат до 4-ти октомври, а претставници на Централниот регистар ќе ги посетат регионалните канцеларии во Скопје, Охрид, Тетово, Куманово, Битола, Штип, Кочани, Струмица, Велес и Прилеп.
Целта е услугите што ги нуди Централниот регистар да станат подостапни за корисниците и да се отстранат сите административни бариери со кои се соочуваат бизнисмените при водењето на својот бизнис.
– Централниот регистар секојдневно е отворен за потребите на граѓаните, но со овие посети на членови на врвното раководство на нашите регионални канцеларии, сакаме да ставиме уште поголем акцент на прашањата и проблемите со кои бизнис секторот, а особено микро и малите бизниси се соочуваат во нивното работење, изјави во петокот директорката на Централниот регистар Марија Бошковска-Јанковски. (Крај)
извор: 24.mk фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |