Избор Охрид ТОП ВЕСТИ

Панел дискусија за реформите во системот на социјална заштита во Охрид

Охрид, 17. септември 2019 (ОХРИДПРЕС) – Охрид во петок, на 20-ти септември ќе биде домаќин на панел дискусија за реформите во системот на социјална заштита во локални рамки.

Истата е во организација на „Здружението на социјални работници на Македонија“ од Скопје и е дел од проектот „Социјалните работници во акција за добри практики во реформираниот систем на социјална заштита“.

– Општата цел на проектот е унапредување на социјалната работа во реформираниот систем на социјална заштита со поддршка на локалното концептуализирање на социјалната заштита и социјалните услуги, преку сеопфатно информирање, зајакното и партнерско вмрежување на чинителите на локалните зедници. Со проектните активности, опфатени се чинители на локалните заедници во 34 општини, меѓу кои и општините од Југозападен регион: Охрид, Струга, Дебар, Кичево и Македонски Брод. За соодветна реализација на целите, една од планираните активности е и спроведување на панел дискусии со локалните чинители на горенаведните општини, во спроведувањето на социјалната заштита и социјалните услуги на локално ниво, информираат организаторите.

Панел дискусијата ќе се одржи во салата на општина Охрид, во петок, на 20-ти септември 2019 година, во периодот од 12:00 до 14:00 часот. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави