Економија Избор Македонија ТОП ВЕСТИ

Аплицирајте за субвенции за плин во возилото, се доделуваат до 18.000 денари

Скопје, 1. ноември 2019 (ОХРИДПРЕС) – Министерството за економија денеска го објави јавниот повик за субвенционирање на дел од трошоците за вградување на плински уреди, метан или друг вид алтернативно гориво во возилата.

Ќе се субвенционираат до 50 проценти од трошоците, но не повеќе од 18 илјади денари за вграден плински уред во возило. Субвенционирањето ќе важи само за едно возило во семејство. За оваа намена се одвоени 15 милиони денари.

Право на учество имаат сите сопственици на возила произведени од 2005 година наваму, а барањата заедно со потребната документација може да се достават до Министерството за економија секој работен ден од 09:30 до 15 часот. Крајниот рок за поднесување на барањата е 2-ри декември.

Субвенционирањето ќе се врши по принципот „прв дојден, прв услужен“.

Ова е една од мерките на Владата насочена кон намалување на аерозагадувањето. (Крај)

извор: Плус инфо фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави