Охрид, 27. ноември 2017 (ОХРИДПРЕС) – По повод отворањето на LIGO центарот, кој е партнер на Центарот за компјутерски обуки Семос Едукација, денес во периодот од 12:00 до 20:00 часот се организира отворен ден во нивните простории, во мини базар „Гранит”, наспроти основното училиште „Григор Прличев”.

Отворениот ден ќе биде можност слушателите на компјутерските курсеви и заинтересираните да се запознаат со програмата и содржината на обуките, предавачите и можностите за сертифицирање на здобиените знаења.

Инаку, Семос Едукација, после 22 успешни години и повеќе од 55.000 ученици, како лидер во областа на комјутерската едукација во Македонија  стартуваше со работа и во Охрид.

Училиштето нуди можности поединци и групи да се стекнат со знаења, вештини и сертификати од разни области на информатичката технологија, започнувајчи со основна комјутерска писменост, до програмирање, веб дизајн, графички дизајн, компјутерски мрежи и друго. (Крај)

извор: ОхридПрес фото: архива