Охрид, 24. февруари 2021 (ОХРИДПРЕС) – Градоначалникот на Охрид д-р Константин Георгиески денес ги потврди информациите кои беа објавени деновиве во јавноста дека на местото на ресторанот и дискотеката „Парк“ ќе се гради хотел.
Според него се работи за веќе завршена постапка, за која е обезбедена сета потребна документација и таа градба не може да биде правно оспорена.
Тој додаде дека биле запазени сите тогашни важечки законски процедури и постапки.
– Одобрението е правосилно и согласно тоа одобрение, таму може да се гради, вели градоначалникот на Охрид. (Крај)
извор: ОхридПрес фото: архива
