Охрид, 15. јануари 2021 (ОХРИДПРЕС) – Прекрасниот Охрид утрово се разбуди „обелен“ од првиот снег оваа година.

Снегот што синоќа интензивно паѓаше во Охрид направи покривка од 12 сантиметри, а ги израдува особено најмладите, но подеднакво уживаа и повозрасните кои излегоа и пропешачија низ охридските улици, во центарот на градот и по езерскиот кеј.

Метеоролозите информираат дека времето денеска ќе биде сончево со умерена облачност и студено. Ќе дува слаб до умерен ветер од северен правец. Кон крајот на денот ќе настапи зголемување на облачноста, а во текот на ноќта во југозападните делови ќе провејува слаб снег. Максималната температура во Охрид ќе достигне до 2. степени.

Поради продор на студена воздушна маса од север во деновите од викендот и во почетокот на следната седмица времето ќе биде многу студено со дневни температури кои во поголем дел од земјава ќе бидат под нулата. (Крај)

извор: ОхридПрес фото: Тања М.