Охрид, 22. јануари 2021 (ОХРИДПРЕС) – Според статистичките податоци на МВР, во текот на изминатото деноноќие, на подрачјето на СВР Охрид, полициските службеници констатирале 43 прекршоци за неносење лична заштита на лицето (Охрид 9, Струга 13 и Кичево 21).

– Ним им се издадени прекршочни платни налози за сторен прекршок по член 6 став 1 од Уредбата со законска сила за носење лична заштита на лицето заради спречување на ширење на заразната болест COVID-19. Воедно, полициските службеници во соработка со Државниот пазарен инспекторат извршиле 94 контроли во угостителски и други објекти (Охрид 25, Струга 8, Кичево 40 и Дебар 21), информираат од СВР Охрид. (Крај)

извор: СВР Охрид фото: архива