Белчишта, 14. февруари 2021 (ОХРИДПРЕС) – Се чистат патните правци во Дебрца, механизацијата е на терен, објави на неговиот официјален профил на Facebook првиот човек на општина Дебрца Зоран Ногачески.
– Механизацијата од изутрина е на терен. Приоритетно ги чистиме главните правци, а потоа и улиците. Ве разбирам сите, ама молам за трпение, до пладне се’ ќе биде исчистено, информира Ногачески.
Тој додава дека патот од селото Ботун до селото Брежани е исчистен, но дека поради наместа замрзнат коловоз се препорачува внимателно возење. (Крај)
извор: ОхридПрес фото: ФБ Зоран Ногачески
