Скопје, 14. мај 2020 (ОХРИДПРЕС) – Министерството за здравство, во соработка со УНФПА и ХЕРА изготви препораки и брошура на македонски и на албански јазик за антенатална и интерпартална грижа, во услови на COVID-19 и бременост.

Брошурата е наменета за трудници со совети за одржување на своето здравје и превенција од овој вирус, кои се симптомите на коронавирусот, што доколку се заразат со COVID-19, дали трудниците се во поголем ризик од останатите, дали вирусот може да се пренесе на нивното бебе и други корисни информации.

Изготвени се и нови препораки наменети за здравствените работници за постапување со бремени пациентки за време на пандемијата со цел нивно правилно информирање и соодветно следење во текот на бременоста, како и во постпарталниот период. Тука има корисни совети за превенција на ширењето на инфекцијата со коронавирусот, како и оптимизација на прегледите на бремените жени за да не се изгубат придобивките од редовните антенатални контроли, а по потреба да се намали нивниот број и да се обезбеди превенција од заразување на пациентката со болеста COVID-19.

Во рамки на препораките се вклучени и неколку алгоритми за олеснета прегледност на постапките, кои треба да се преземат кај пациентките суспектни или со потврдена инфекција со коронавирусот и тоа во тек на антенаталните контроли, тријажа на пациентки со симптоми за COVID-19, хоспитализација на ризични пациентки, начин на завршување на породувањето и постпородилниот период.

Брошура за бремени жени и коронавирус на македонски јазик е достапна ТУКА.

COVID-19 и бременост достапна ТУКА. (Крај)

извор: ОхридПрес фото: архива