Скопје, 22. март 2020 (ОХРИДПРЕС) – Во изминатото деноноќие се регистрирани 29 нови случаи на коронавирус во земјата, објави на официјалната страна на Facebook министерот за здравство Венко Филипче.

Со ова бројката на дијагностицирани пациенти со COVID-19 денеска до 12:00 часот, изнесува 114. По градови: Скопје (22), Штип (3), Дебар (2), Куманово (1) и Охрид (1).

Според местото на живеење, досега случаи на COVID-19 се регистрирани во: Скопје (65), Дебар (36), Штип (7), Кавадарци (2), Охрид (2), Гостивар (1), Куманово (1).

– На Клиниката за инфективни болести и фебрилни состојби во моментов се хоспитализирани 24 пациенти. 7 пациенти се континуирано на третман со кислород, 11 се веќе во стабилна – добра здравствена состојба. Утре, по истекот на 14 дена од поставување дијагноза, кај 6 пациенти ќе се зема контролен брис. Од нив 5 се во добра состојба, а кај пациентката кај која имаше влошување нема промена на состојбата и таа сѐ уште е на респираторна машина. Пациенти кои се на домашно лекување се во постојан контакт со лекарите, инфомираше министерот Филипче. (Крај)

извор: ОхридПрес фото: архива