Охрид, 21. ноември 2020 (ОХРИДПРЕС) – Во интерес на правовремено и точно информирање на населението кое живее на подрачјето на општините Охрид, Дебрца, Струга, Вевчани, Дебар и Центар Жупа, во кои делува, од охридскиот Центар за јавно здравје објавуваат билтен со податоци, информации и препораки за справувањето со вирусот COVID-19 на неделна основа.Податоци за периодот од 14-ти до 20-ти ноември 2020 година:– Материјали (брис грло и нос) за тестирање на присуство на COVID-19 земени се од вкупно 302 лица во општините Охрид, Дебрца, Струга, Вевчани, Дебар и Центар Жупа и анализирани се во лабораториите на Институтот за јавно здравје Скопје
– Од вкупно земените материјали, 166 се земени по епидемиолошки индикации (лица кои исполнуваат критериуми за дефиниција на случај), а 136 материјали зе земени при тестирањето со упат од матичен лекар „Мој термин“.
– Од вкупно тестираните примероци во сите лаборатории во РМ во овој период, лабораториски е дијагностицирано присуство на COVID-19 кај вкупно 429 лица и тоа кај 231 лица од општина Охрид, кај 183 лица од општина Струга и кај 15 лица од општина Дебар.
– Во овој период оздравени се 132 лица од Охрид, 56 лице од Струга и 19 лица од Дебар.
– Во овој период починати се 9 лица од Охрид, 5 лица од општина Струга и 1 лице од општина Дебар.
– Активни случаи на 20.11.2020 година во Охрид се 575, во Струга 364, а во Дебар 86.
Од почетокот на епидемијата до 20-ти ноември 2020:
-лабораториски е дијагностицирано присуство на COVID-19 кај вкупно 2969 лица во општините Охрид, Дебрца, Струга, Вевчани, Дебар и Центар Жупа, од кои кај 1330 лица во општина Охрид и Дебрца, 1218 лица во општина Струга и Вевчани и 421 лица во општина Дебар и Центар Жупа.
-оздравени пациенти од Охрид се 773, од Струга се 783, а од Дебар и Центар Жупа се 316 пациенти
-од општина Охрид и Дебрца има 49 починати пациенти, од општина Струга се починати 85, а од Дебар и Центар Жупа се починати 19 лица.
Коронавирусот во овој период е широко распространет, во локална трансмисија и со засилена активност. Го пренесуваат луѓето кои не се придржуваат кон мерките и препораките за заштита од COVID-19. Во овој момент, единствен начин да се спречи инфекцијата и ширењето на вирусот е строго придржување и примена на превентивните мерки за заштита од COVID-19:
– правилна употреба на заштитна маска
– одржување на социјално-физичка дистанца на растојание не помало од 2 метри
– избегнување на јавни собири и групирања и сведување на бројот на контакти на минимум
– често миење/дезинфекција на рацете
Бидете одговорни, порачуваат од охридскиот Центар за јавно здравје. (Крај)
извор: ЦЈЗ Охрид фото: ОхридПрес
