Охрид, 5. јануари 2025 (ОХРИДПРЕС) – Сообраќајот на државните патишта се одвива во зимски услови, по наместа влажни коловози, информираат од Авто мото сојузот на Република Македонија (АМСМ).
Поради појава на магла намалена е видливоста од 80 до 100 метри на планинскиот превој „Ѓавато“ и до 50 метри на планинскиот превој „Буково“.
Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово-Велес, Маврово-Дебар-Струга, Виница-Берово и Кочани-Делчево. (Крај)
извор: АМСМ/ЦУК фото: архива
