Охрид, 10. јануари 2017 (ОХРИДПРЕС) – Охриѓани се солидаризираат за помош на семејството од Охрид, кое вчера го загуби својот дом.

Вчера попладне семејна куќа изгоре на улицата „Даме Груев“, во населбата „Карабегомала“. За среќа нема повредени во пожарот, но семејството за жал изгуби сè што поседуваа.

Има најави на социјалните мрежи да се отвори телефон за помош. Дел од граѓаните веќе понудија материјална помош и ги повикуваат нивните сограѓани, секој да помогне во доменот на своите можности. (Крај)

извор: ОхридПрес фото: Илија Ефтимоски