Прага, 26. јануари 2015 (ОХРИДПРЕС) – Претседателот на Собранието на Република Македонија, Трајко Вељаноски денеска и утре ќе учествува на Четвртиот меѓународен форум „Let My People Live!” во Прага, Чешка Република.
Вељаноски е во Чешка на покана на спикерот на Домот на пратеници на Парламентот на Чешката Република, Јан Хамачек, претседателот на Сенатот на Парламентот на Чешката Република, Милан Штех и претседателот на Европскиот еврејски конгрес, Моше Кантор.
На овој настан ќе се одбележи 70 годишнината од победата над фашизмот и ослободувањето од логорите на смртта во Европа.
Форумот ќе се фокусира на 3 панел дискусии за растот на антисемитизмот, расизмот и политичкиот и религиски екстремизам во Европа. (Крај)
извор: Инпрес фото: архива
