Охрид, 3. јули 2019 (ОХРИДПРЕС) – Претстојниов викенд, 6-ти и 7-ми јули, Охрид ќе биде домаќин на ЕТУ Триатлонскиот европски јуниорски куп и Отвореното национално првенство 2019, во организација на Македонската триатлон федерација и локалниот организатор „Спорт за сите, сите за спорт“.
Претседателот на федерацијата Иван Михајловски очекува се да помине во најдобар ред.
– Втора година по ред Охрид ќе биде домаќин на голем триатлонски настан. Одличното искуство од ланското ЕТУ Балканско првенство што го реализиравме на истата локација, нѐ измотовира и годинава да направиме уште еден натпревар со кој триатлонската заедница во нашата земја ќе се гордее, истакна Михајловски.
Стартот и целта на натпреварите ќе биде на плажата Buffalo Beach. Трката наменета за јуниори, родени помеѓу 2000 и 2003 година ќе се состои од: 750 метри пливање, 20 километри велосипед и 5 километри трчање.
Настанот е под покровителство на општина Охрид, Агенцијата за млади и спорт и Македонскиот олимписки комитет. (Крај)
извор: ОхридПрес фото: архива