Струга, 26. декември 2024 (ОХРИДПРЕС) – Во сабота на 28-ми декември во Струга ќе се одржи зимскиот младински шаховски турнир „Езерска кралица 2024“.

Турнирот е во организација на Младинската шаховска школа „Струга“ во соработка со шаховскиот клуб „Ласкер“ од Охрид. Право на учество имаат сите млади шахисти групирани во четири возрасни категории: А1 играчи со возраст до 14 години, А2 деца на возраст до 12 години, А3 деца на возраст до 10 години и А4 деца на возраст до 8 години.

Ќе се игра Швајцарски систем од 6 кола со темпо на игра 10+5, а момчињата и девојчињата играат заедно. Пријавување за турнирот е заклучно со денеска, четврток, 26-ти декември, со презиме, име, дата на раѓање, ФИДЕ код и турнир за кој се пријавуваат, на мејл адресата [email protected].

Уписнината на турнирот изнесува 600 денари. Обезбедени се пехари за победниците на сите четири турнири, медали за најуспешните во сите возрасни категории и дипломи за сите учесници на турнирот.

Шаховскиот турнир „Езерска кралица 2024“ ќе се одржи во хотелот „Дрим“ со почеток во 10:00 часот. (Крај)

извор: ОхридПрес фото: архива