Охрид, 13. јуни 2024 (ОХРИДПРЕС) – Во НУЦК „Григор Прличев“ во Охрид, во сабота, на 15-ти јуни 2024 година, со почеток во 15:00 часот, ќе се одржи Годишниот концерт „Рака за рака, чекор по чекор“ на ФА „Отекс фолк“ од Охрид.

Билетите се пуштени во продажба по 200 денари и можат да се купат од вторник до петок, во периодот од 17:00 до 19:00 часот во НУЦК „Григор Прличев“ во Охрид.

Повеќе од 40 години ансаблот стои силно зад традицијата, нуди квалитет, но и ја претставува и шири македонската традиција и култура ширум светот.

– Низ игри и песни да ги научиме вредностите на македонскиот народ и македонската традиција, порачуваат од ФА „Отекс фолк“. (Крај)

извор: ОхридПрес фото: архива