Охрид, 9. јануари 2025 (ОХРИДПРЕС) – Познатата охридска гостилница „Кај Мече“ денеска прославува полни 12. години успешна работа.

После повеќе од една деценија работа, стигнаа до статус на еден од најпосетуваните и најпопуларните угостителски објекти во Охрид. На одлична локација, со многу љубов кон подготвувањето на храната, а особено со „благиот муабет и однос кон гостите“, гостилницата „Мече“ се издвои како една од најчестите локации за посета на охриѓани и гостите од целиот свет.

– Да ни се множат уште многу години во здравје и бериќет. Среќна 12-ка, порачаа од „Мече“.

Секогаш свежа храна, подготвена на мајсторски начин во комбинација со поглед кон Охридското Езеро и пристапни цени. Сето тоа со гостопримливост, искрен и пријателски однос кон гостите што се покажа како добитна комбинација, која ќе трае уште долго како една од позитивните точки во охридското угостителство.

Екипата на OhridPress и Супер радио им посакуваат уште многу години успешна работа. (Крај)

извор: ОхридПрес фото: ОхридПрес