Охрид, 2. мај 2018 (ОХРИДПРЕС) – Зајакнување на меѓусебната соработка како и зголемување на бројот на холандските туристи на охридската ривиера, со надеж дека нивниот број ќе достигне 30.000 на годишно ниво. За ова меѓу другото станало збор на работната средба на охридскиот градоначалник Јован Стојаноски и амбасадорот на Кралството Холандија во Македонија, Вилем Воутер Пломп.

На состанокот беа разменети мислења околу создавање туристичка понуда во Охрид надвор од главната туристичка сезона за што се разгледуваа можностите за изградба на велосипедска патека околу езерото, а беше подвлечено дека холандскиот народ е голем пријател на природата.Во тој контекст градоначалникот Стојаноски подвлече дека за општината особено значајно е да се сочува и заштити природното богатство во Охрид меѓу кое е Студенчишкото блато.

На средбата беше заклучено дека јавниот, приватниот сектор и научната фела заедно можат во голема мера да допринесат во создавање на проекти кои се за доброто на Охрид. (Крај)

извор:  ОхридПрес фото: општина Охрид