Охрид, 27. јануари 2018 (ОХРИДПРЕС) – Градоначалникот на Охрид, Јован Стојаноски, по повод празникот Свети Сава, упати честитка до припадниците на српската заедница.

– Најискрено, во името на граѓаните на општина Охрид, упатувам искрени честитки, по повод 27-ми јануари, националниот ден на српската заедница, денот на првиот српски архиепископ Свети Сава, еден од најзначајните верски и национални празници на српскиот народ, кој се прославува секаде каде што живеат Срби. Како нераскинлив дел на македонското општество, Вие континуирано придонесувате кон градење на соживотот и меѓусебното разбирање. Уверен сум дека така ќе биде и во иднина и Ви посакувам овој празник да го поминете во мир, семејна среќа, благосостојба и добра мисла. Празнувањето на денот на Свети Сава за српскиот народ е непресушен извор на вера, надеж и љубов кон Бога, кон себе и кон блиските, духовна крепост и патоказ кон иднината исполнета со слобода, хуманизам, благодет и напредок. Тие се универзални вредности кои ги спојуваат н унапредуваат заедништвото, почитувањето на различностите и градењето на подобра иднина за сите, се вели во честитката на градоначалникот на Охрид Јован Стојаноски до припадниците на српската заедница. (Крај)

извор: ОхридПрес фото: ОхридПрес