Охрид, 24. декември 2024 (ОХРИДПРЕС) – Ученичката заедница при РЦСОО „Ванчо Питошески“ од Охрид, денеска од 12:00 часот организира предновогодишен музички настан за сите ученици, нивните семејства, како и за наставниците.

– Празниците пристигнуваат, а со нив и можноста да направиме нешто прекрасно. Целта на овој настан е да ја разбудиме хуманоста во овој празничен период и заеднички да им помогнеме на оние на кои тоа им е најпотребно, велат од училиштето.

Во училишниот двор ќе биде поставен штанд со храна и пијалаци каде присутните ќе може да донираат, а собраните средства ќе бидат наменети за хуманитарни цели.

извор: ОхридПрес фото: архива