Охрид, 28. август 2019 (ОХРИДПРЕС) – Денес се навршуваат 11 години од уривањето на авионот „Цесна 172“ кај селото Скребатно, во близина на Охрид во која загинаа четири лица, а беше повредено и едно малолетно девојче.

Авионот во сопственост на „Скопје-ер“ фрлал летоци токму на овој ден, кога во Скребатно има неколку илјади луѓе кои масовно секоја година го одбележуваат празникот „Успение на Пресвета Богородица“, во народот познат како Голема Богородица.

Среќна околност е што не се урнал врз толпата луѓе, што ќе предизвикаше трагедија од пошироки размери.

Во несреќата загинаа тројцата патници во леталото од Охрид, како и пилотот од Скопје. (Крај)

извор: ОхридПрес фото: архива