Охрид, 18. октомври 2021 (ОХРИДПРЕС) – Веќе една недела водостојот на Охридското Езеро е на кота од 693,18. м.н.в.

Според последните мерења на Управата за хидрометеоролошки работи на Република Македонија (УХМР) нивото и понатаму е за 10 сантиметри под просекот за октомври (693,28 м.н.в) и осум сантиметри над минимално дозволеното ниво (693,10 м.н.в).

Од почетокот на месецов нивото порасна за 4 сантиметри, а за подобрување на хидролошката состојба придонесоа врнежите од дожд што ги имаше во првата половина на месецов.

Што се однесува до температурата на езерската вода, денес се измерени 14 степени, што е за 2,8 степени под октомврискиот просек.

Во Охрид денес променливо облачно и потопло време со услови за локален краткотраен дожд. Ќе дува слаб до умерен ветер од северозападен правец.

Максималната температура во Охрид ќе се искачи до 16. степени.

– До петок времето ќе биде стабилно и потопло со услови за појава на утринска магла по одделни котлини. Врнежи од дожд се очекуваат во сабота, информираат од УХМР. (Крај)

извор: ОхридПрес фото: ОхридПрес/ УХМР