Скопје/Охрид, 23. јуни 2017 (ОХРИДПРЕС) – Субјектите кои вршат промет на добра и услуги за кои плаќањето се врши во готово, задолжително да издаваат фискални сметки на потрошувачите, на начин пропишан со Законот за регистрирање на готовинскиот промет.

Според првичните анализи на податоците од он-лајн системот за следење на готовинскиот промет, констатирано е дека голем број на фирми, особено во угостителството, не го регистрираат прометот во целост, а на адреса на УЈП постојано пристигнуваат и пријави за издавање на сметки кои не се фискални, информираат од УЈП.

– Укажуваме дека употребата на опрема од неовластени производители кои ги немаат функционалностите и карактеристиките на фискален систем на опрема (фискална апаратура и интегриран автоматски систем за управување – ГПРС), е спротивно и казниво со Закон – додаваат оттаму.

УЈП најавува засилен мониторинг на готовинскиот промет и присуство на терен во делот на фискализацијата, поради што апелираме даночните обврзници да ги исполнуваат законските обврски, со цел избегнување на казни. (Крај)

извор: УЈП   фото: архива