Охрид, 9. ноември 2019 (ОХРИДПРЕС) – Започнува комплетна санација на колекторскиот систем за заштита на Охридското Езеро, порача од Охрид македонскиот премиер Зоран Заев.

– Ќе се изврши санација на цевководот, ќе поправат или заменат сите редуктори на сите 18 препумпни станици, ќе се санира целиот систем за прочистување на отпадните води во пречистителната станица и ќе се изврши комплетно чистење на атмосферската и канализационата мрежа во должина од околу 300 километри во Охрид и Струга, истакна Заев.

Додаде дека Охридското Езеро како заштитено подрачје на УНЕСКО е наша гордост, мора да покажеме дека знаеме да се грижиме за нашите природни богатства. (Крај)

извор: ОхридПрес фото: архива