Охрид, 27. јули 2024 (ОХРИДПРЕС) – Американски кардиолози спроведоа истражување, чии резултати покажале дека консумирањето до 12 јајца неделно не му штети на здравјето.

Ова е количина која не треба да предизвика значително зголемување на нивото на холестерол, што е сериозен фактор на ризик за развој на кардиоваскуларни болести. Имено, акумулацијата на холестерол во артериите на крајот може да доведе до затнување и да го спречи истекувањето на крвта, што понекогаш предизвикува срцеви и мозочни удари.

Инаку, јајцата се одличен извор на протеини, фосфор, селен и витамини А, Б2, Б5 и Б12. Се препорачуваат за појадок и за оние кои сакаат да ослабат.

Главната придобивка од јајцата лежи во фактот дека содржат лесно сварливи протеини кои помагаат во зголемување на мускулната маса, зајакнување на коските, одржување на функцијата на мозокот, зачувување на ткивото, намалување на крвниот притисок и борба против вишокот килограми.

Експертите сепак советуваат прво да се консултирате со вашиот лекар за да бидете сигурни дека консумирањето јајца е безбедно за вас. (Крај)

извор: index.hr фото: index.hr