Охрид, 1. ноември 2024 (ОХРИДПРЕС) – Ако имате висок холестерол, експертите советуваат да избегнувате одредени намирници кои можат да бидат опасни за вас.Високиот холестерол значи дека има повеќе масти во крвта, што со текот на времето може да доведе до блокирање на артериите и да го зголеми ризикот од мозочен или срцев удар. Затоа, важно е холестеролот да се одржува на здраво ниво, што вклучува избегнување на храна која може да го зголеми.Експертите нагласуваат дека заситените масти се една од најлошите супстанци кои го поттикнуваат формирањето на LDL, типот на холестерол што се акумулира на ѕидовите на артериите. Затоа се препорачува да го намалите внесот на храна богата со заситени масти, особено ако веќе имате покачен холестерол.Црвеното месо, пржената храна и печивата често предизвикуваат зголемување на нивото на LDL холестеролот. Но, што точно треба да избегнувате? Експертите особено ги посочуваат колбасите и сланината, две намирници кои често се на нашето мени и кои содржат висок процент на заситени масти и преработки од месо.

Експертите исто така препорачуваат внесот на црвено месо да биде минимален и ограничен на помали порции посни парчиња. Сепак, најдобро е да изберете полесни извори на протеини како пилешко, мисиркино месо или риба.

Препорачани намирници:

– Риба како скуша и лосос
– Интегрален ориз, леб и тестенини од цели зрна
– Јаткасти плодови и семиња
– Овошје и зеленчук

Истовремено, се препорачува да се намали внесот и на путер, тврдо сирење и колачи кои често содржат кокосово или палмино масло. (Крај)

извор: index.hr фото: index.hr