Охрид, 18. септември 2024 (ОХРИДПРЕС) – Луѓето кои боледуваат од хипертензија или имаат дигестивни проблеми треба да престанат да пијат кафе, а оние кои имаат гастритис да не го пијат наутро, односно никогаш на празен стомак.

Кафето со чај треба да го заменат и лицата со дијагностицирани анксиозни нарушувања, бидејќи кофеинот го стимулира нервниот систем. Поради ова, кафето може да го зголеми чувството на анксиозност, а забележани се и случаи на зголемена раздразливост.

Најпопуларниот утрински пијалок, кафето, предизвикува зголемување на крвниот притисок. Прекумерното консумирање на овој ароматичен пијалок може да предизвика проблеми со спиењето, особено ако се пие попладне.

Важно е да се има во предвид дека кофеинот со текот на времето преминува во зависност. Како резултат на тоа, за да се постигне чувство на будност, луѓето почнуваат да пијат повеќе од препорачаните две до три шолји кафе дневно. За жал, тоа може да доведе до главоболки и постојан замор.

Во исто време, кафето има и одредени здравствени придобивки. Ја подобрува концентрацијата, физичката издржливост и расположението. На бремените жени и доилките не им се препорачува да консумираат повеќе од 200 милиграми кофеин или приближно две шолји кафе дневно. (Крај)

извор: index.hr фото: index.hr