Охрид, 4. ноември 2024 (ОХРИДПРЕС) – Храната што ја јадеме секој ден може да игра клучна улога за нашето здравје, особено кога станува збор за здравјето на срцето.
Нашата исхрана има централна улога во одржувањето на кардиоваскуларното здравје. Иако има многу одлични намирници кои го помагаат здравјето на срцето, важно е да запомните дека многу од вашите омилени намирници може да предизвикаат проблеми како воспаленија и висок холестерол, кои негативно влијаат на срцето.
Експертите посочуваат на три намирници кои треба да ги избегнуваме бидејќи негативно влијаат на здравјето на срцето.
Преработено месо
Иако преработеното месо, како што се сланината и колбасите, се вкусни, експертите предупредуваат дека тие се „особено богати со заситени масти и натриум“. Некои од овие хранливи материи предизвикуваат воспаленија во телото и формираат наслаги во артериите. Редовното консумирање на овие месни производи може значително да го зголеми ризикот од срцеви заболувања. Како поздрава опција, се препорачува месо од живина со растителни зачини, како мисирка или пилешко, и растителни протеини како мешунките и гравот, кои „не содржат нездрави масти, но се богати со витамини и минерали“.
Бел леб
Иако белиот леб е присутен во многу кујни, тој има свои лоши страни. Се подготвува од рафинирано брашно, кое може да биде штетно за здравјето. Рафинираното брашно се користи во белиот леб и нема влакна или хранливи материи како цели зрна. Високиот гликемиски индекс на белиот леб предизвикува зголемување на шеќерот во крвта што дополнително го оптоварува инсулинот и се претвора во маснотии околу артериите.
Чипс
Преработените грицки, како што се чипсот и крекерите, се вкусни, но не се добри за срцето. Содржат високи нивоа на масти и натриум, што може да придонесе за зголемување на телесната тежина и да го подигне нивото на холестерол. Наместо тоа, јадете здрави грицки како пуканки, јаткасти плодови или стапчиња од зеленчук кои содржат хранливи материи здрави за срцето, без маснотии кои ги затнуваат артериите. (Крај)
извор: index.hr фото: index.hr
