Охрид, 30. декември 2024 (ОХРИДПРЕС) – Зимска идила – манастирска црква „Св. Илија“ на Илинска планина… Вака во Facebook групата БⲣⲉжⲁⲎи Дⲉбⲣцⲁ ⲘⲁⲕⲉдⲟⲎијⲁ ги опишуваат фотографиите направени денеска.

Свети Илија е главна и единствена манастирска црква на Илинскиот манастир, сместена на самата атарска граница на Мало и Големо Илино, Република Македонија. Црквата се наоѓа на самиот срт на Илинска Планина, над селото Големо Илино, Демирхисарско.

Црквата се наоѓа на 1.524 метри на зарамнетиот дел на планинскиот превој и самата граница помеѓу општините Демир Хисар и Дебрца. До манастирот водат земјени патишта во насока на селата Брежани и Мало Илино.

Манастирската црква е изградена во 1990 година со средства на црковниот одбор и жителите од селото Големо Илино како и на дел од соседното охридско село Брежани.

Секоја година на Илинден се одржува голем црковно-народен собор и прослава со многубројни посетители од Големо Илино, Мало Илино, Брежани повеќето села во Демирхисарско, Охридско, Кичевско како и од градовите Демир Хисар, Охрид, Битола и иселеници од Скопје и странство, заради што во дворот на манастирот има 2 конаци. (Крај)

извор: ОхридПрес фото: И. Уле