Скопје, 20. август 2019 (ОХРИДПРЕС) – Првиот човек на Специјалното јавно обвинителство (СЈО), Катица Јанева, денеска во 10:00 часот во својство на сведок ќе се појави на распит во Обвинителството за гонење на организиран криминал и ќе одговара на прашањата на Рускоска.

Јанева ќе треба да даде одговори околу нејзините постапки во истрагата „Империја“ и осомничениот Орце Камчев, кажаното во телефонските разговори со Камчев, блискоста со притворениот Бојан Јовановски и потезите во СЈО.

Досега во обвинителството сведочеа обвинителите од СЈО – Лиле Стефанова, Елизабета Јосифовска и Бурим Рустеми, како и шефицата на кабинетот на Јанева во СЈО. (Крај)

извор: ВОА фото: ВОА